"Liverpul" bosh murabbiyi Yurgen Klopp "Everton"ga (0:2) qarshi Angliya premyer-ligasining 29-turidagi mag‘lubiyatdan so‘ng mersisaydliklarning chempionlik uchun kurashdagi o‘rnini emosional tarzda izohladi.

“Chempionlik poygasiga qaytasizmi? Bilasizmi, kechagi “Arsenal”ga qarshi o‘yinni bor-yo‘g‘i 5 daqiqa tomosha qildim va o‘yladim: “Mayli, yetib keldim”... Haqiqat shuki, chempionlik poygasi hozir bizning qo‘limizda emas, lekin biz nima qila olamiz? Har bir o‘yinda g‘alaba qozonish kerak", - deydi Klopp.

Ayni damda “Liverpul” hisobida 74 ochko bor. Klopp shogirdlari 34 uchrashuvdan so‘ng Angliya chempionati turnir jadvalida ikkinchi o‘rinda bormoqda. Londonning “Arsenal” klubi xuddi shu 34 o‘yindan so‘ng 77 ochko bilan Angliya chempionatida peshqadamlik qilmoqda. "Manchester Siti" ikkita kam o‘yin o‘tkazgan. Xosep Gvardiola shogirdlari hisobida 73 ochko bor.