U-23 Osiyo kubogi chorak final o‘yini oldidan Olimpiya terma jamoasi yarim himoyachisi Jasur Jaloldinov matbuot anjumanida ishtirok etdi
"Ertaga oldimizda muhim uchrashuv bor. Biz o‘yinga tayyormiz".
Tayyorgarlik haqida:
"Bu musobaqaga uzoq muddat tayyorgarlik ko‘rdik. Yildan yilga o‘z o‘yinimizni shakllantirib, o‘sishga erishdik. Hozirda hech qanday bosimni his qilmayapmiz. Bor e’tiborimiz ertangi o‘yinga qaratilgan".
Futzal terma jamoamizning g‘alabasi haqida:
"Albatta bundan juda ham xursandmiz. Futzalchilarimiz ham biz ham bir jamoamiz va xalqimizni g‘alaba bilan xursand qilishni maqsad qilganmiz. Ertangi o‘yinda ularga ham omad tilayman"
Ertangi o‘yindagi muxlislik haqida:
"Biz xalqimizning qo‘llab-quvvatlashini his qilib turibmiz. Ular g‘alabamiz uchun duoda bo‘lishmoqda. Ertangi o‘yinda raqib jamoa muxlislari ko‘p bo‘lishi bizga bosim bermaydi, bor e’tiborimizni g‘alaba qozonishga qaratamiz" - dedi Jaloldinov.
