"Alaves"da ijara asosida o‘ynayotgan "Real" himoyachisi Rafa Marin Germaniya chempionatiga o‘tishi mumkin. Bu haqda Marca sahifalarida xabar berilgan.
Manba bergan xabarga ko‘ra, 21 yoshli markaziy himoyachiga Leverkuzenning "Bayer" klubi qiziqish bildirmoqda. "Farmasevtlar" bosh murabbiyi Xabi Alonsoning shaxsan o‘zi hamyurtini sotib olishni talab qilmoqda.
Ispaniyalik futbolchining transfer narxi besh million yevroga baholanmoqda. Uning “Alaves” bilan shartnomasi 2024 yilning iyun oyi oxirida yakuniga yetadi. Ispaniya chempionatining joriy mavsumida Marin 29 ta o‘yin o‘tkazib, 5 ta sariq kartochka oldi.
