"Barselona" Xvicha Kvarasxeliyaga qiziqish bildirmoqda.
La Gazette Dello Sport nashri xabariga ko‘ra, kelasi hafta vingerning agenti Mamuka Djugeli Neapolga keladi va "Napoli" prezidenti Aurelio De Laurentis bilan yangi shartnoma borasida muzokara olib boradi. Shu bilan birga, klub rahbariga futbolchining "Barselona"ga o‘tishi ssenariysi taqdim etilishi ehtimoli yuqori.
Xavining bosh murabbiy sifatida qolish qarori e’lon qilinganidan so‘ng, "blaugranalar"ning Kvarasxeliya bilan shartnoma imzolashga urinishlari ehtimoli oshdi. Ispaniyalik mutaxassis Xvichaning mahoratini yuqori baholaydi.
"Napoli" vingerni saqlab qolmoqchi va maoshini 1,5 million yevrodan 4 millionga oshirishni taklif qilmoqda.
