“Bayer” ketma-ket ikkinchi marta o‘yinning so‘nggi daqiqasida gol urib, mag‘lubiyatdan qutulib qoldi.
Xabi Alonso shogirdlari Bundesliganing 31-turi doirasida o‘z maydonida “Shtutgart” bilan durang o‘ynadi (2:2). O‘yinga qo‘shib berilgan 6-daqiqada yarim himoyachi Robert Andrix hisobni tenglashtirdi.
30-tur o‘yinida "dorichilar" "Borussiya Dortmund" bilan o‘yinda 90+7-daqiqada Yosip Stanishich tomonidan kiritilgan gol evaziga durangga erishgandi.
Leverkuzen klubining mag‘lubiyatsiz seriyasi jami 46 o‘yindan iborat bo‘lib, 38 g‘alaba va 8 durang bor. Oxirgi marta ular 2023 yilning may oyida mag‘lubiyatga uchragan.
Shu bilan birga, "Bayer" uchta o‘yindan buyon g‘alaba qozona olmayapti. 18 aprel kuni Yevropa Ligasida “Vest Xem” bilan durang o‘ynadi (1:1), 21 aprelda esa chempionatda “Borussiya Dortmund” bilan (1:1) murosa ko‘chasini tanlagandi.
2 may kuni nemis klubi Yevropa ligasida “Roma”ga qarshi bahs olib boradi.
