Nottingemdagi “Siti Ground” stadionida Angliya Premyer-ligasining (APL) 35-turidan o‘rin olgan bir o‘yin yakuniga yetdi va unda “Nottingem Forest” “Manchester Siti”ga imkoniyatni boy berdi (0:2).
Ushbu uchrashuvdagi birinchi golni mehmonlarning xorvatiyalik himoyachisi Yoshko Gvardiol kiritdi.
Bu gol 22 yoshli futbolchi uchun so‘nggi 19 kun ichida (9 apreldan beri) uchinchi gol bo‘ldi.
Avvalroq u APLda "Luton" (5:1) va Chempionlar ligasida "Real" (3:3) bilan o‘yinlarda gol urgandi.
E’tiborlisi, xorvatiyalik futbolchi o‘tgan yozda ingliz klubiga o‘tganidan beri "shaharliklar" safida biror marta ham gol ura olmagan edi.
