Ноттингемдаги “Сити Гроунд” стадионида Англия Премьер-лигасининг (АПЛ) 35-туридан ўрин олган бир ўйин якунига етди ва унда “Ноттингем Форест” “Манчестер Сити”га имкониятни бой берди (0:2).
Ушбу учрашувдаги биринчи голни меҳмонларнинг хорватиялик ҳимоячиси Йошко Гвардиол киритди.
Бу гол 22 ёшли футболчи учун сўнгги 19 кун ичида (9 апрелдан бери) учинчи гол бўлди.
Аввалроқ у АПЛда "Лутон" (5:1) ва Чемпионлар лигасида "Реал" (3:3) билан ўйинларда гол урганди.
Эътиборлиси, хорватиялик футболчи ўтган ёзда инглиз клубига ўтганидан бери "шаҳарликлар" сафида бирор марта ҳам гол ура олмаган эди.
