ЖЧ-2026 мусобақасида 1/8 финал босқичи якунланди. Унинг натижаларига кўра, Opta суперкомпьютери қолган жамоаларнинг мундиалда ғолиб чиқиш имкониятларини баҳолади.

Турнир чемпионлигига бош даъвогар сифатида 27,62 фоиз имконият билан Франция терма жамоаси эътироф этилмоқда. Иккинчи ўринда Испания миллий терма жамоаси жойлашган — 21,54%. Кучли учликни Англия якунлаб берди (17,06%).

Кейинги ўринлардан Аргентина (15,9%), Норвегия (6,5%), Марокаш (4,04%), Бельгия (3,86%) ва Швейцария (3,46%) жой олган.

Жаҳон чемпионати 11 июндан 19 июлгача Шимолий Америкада бўлиб ўтмоқда. ЖЧ-2022 финалида Франция жамоасини мағлуб этган Аргентина терма жамоаси амалдаги титул соҳиби ҳисобланади.