"Roma" hujumchisi Temmi Abraxam jiddiy jarohatdan so‘ng ilk golini nishonladi.
Angliyalik futbolchi o‘tgan mavsum oxirida xochsimon paylari yirtilgani sababli safdan chiqdi va faqat aprel oyi boshida safga qaytdi.
Yakshanba kuni forvard “Napoli”ga qarshi A seriya o‘yinida zaxiradan maydonga tushib, 88-daqiqada darvozani ishg‘ol qildi va jamoasiga durang (2:2) keltirdi.
Bu Abraxamning joriy mavsumdagi ilk goli bo‘ldi.
"Men bu haqda mavsum boshidanoq orzu qilardim. Men jiddiy jarohat oldim va o‘zimni jismonan va ruhiy jihatdan tayyorlashim kerak edi.
Bu men uchun muhim daqiqalar bo‘ldi.
Golni jamoadoshlarim va oilam bilan nishonlayman, keyin esa keyingi o‘yinga tayyorlanaman. “Napoli” bilan mehmonda o‘ynash doim qiyin – o‘tgan yili bu jamoa skudettoni qo‘lga kiritgan.
Yaxshiyamki, men kerakli vaqtda kerakli joyda paydo bo‘ldim", dedi Abraxam DAZN nashriga bergan intervyusida.
