Kataloniyaning “Barselona” klubi markaziy himoyachisi Pau Kubarsi jamoa bilan shartnomasini uzaytirishga bir qadam qoldi. Jurnalist Ferran Martines bergan ma’lumotlarga ko‘ra, 17 yoshli ispaniyalik "blaugrana" bilan yangi shartnoma imzolashga juda yaqin turibdi.
Manbaning xabar berishicha, tomonlar yangi shartnomaning moliyaviy masalasida kelishib olgan. "Barselona" uchun Kubarsi bilan shartnomani uzaytirish juda muhim, chunki murabbiylar shtabi Pauni jamoaning asosiy o‘yinchilaridan biri deb biladi.
Qolaversa, yosh iqtidorga Fransiyaning "PSJ" klubi qiziqmoqda. Eslatib o‘tamiz, Kubarsi mavsumning ikkinchi yarmida "Barselona"ning asosiy markaziy himoyachisiga aylandi va bir necha bor uchrashuvning eng yaxshi futbolchisi sovrinini qo‘lga kiritdi.
