Каталониянинг “Барселона” клуби марказий ҳимоячиси Пау Кубарси жамоа билан шартномасини узайтиришга бир қадам қолди. Журналист Ферран Мартинес берган маълумотларга кўра, 17 ёшли испаниялик "блауграна" билан янги шартнома имзолашга жуда яқин турибди.
Манбанинг хабар беришича, томонлар янги шартноманинг молиявий масаласида келишиб олган. "Барселона" учун Кубарси билан шартномани узайтириш жуда муҳим, чунки мураббийлар штаби Пауни жамоанинг асосий ўйинчиларидан бири деб билади.
Қолаверса, ёш иқтидорга Франциянинг "ПСЖ" клуби қизиқмоқда. Эслатиб ўтамиз, Кубарси мавсумнинг иккинчи ярмида "Барселона"нинг асосий марказий ҳимоячисига айланди ва бир неча бор учрашувнинг энг яхши футболчиси совринини қўлга киритди.
