Hammasi ikki oydan keyin Kilian Mbappening "Real" futbolchisiga aylanishi tomon ketmoqda. Madridliklar uzoq vaqtdan beri fransiyalik forvard bilan muzokara olib bormoqda va u yozda "Santyago Bernabeu"ga ko‘chib o‘tishi mumkin.
TodoFichajes nashri xabariga ko‘ra, "Real Madrid" prezidenti Florentino Peres o‘zining navbatdagi transfer maqsadlari haqida allaqachon o‘ylay boshladi. Shu tariqa, Peres "Bayer"da ajoyib mavsum o‘tkazayotgan Florian Virsni jamoaga taklif qilmoqchi. Kelgusi yozda Virsni qo‘lga kiritish deyarli imkonsiz bo‘ladi, shuning uchun "Real" Mbappe bilan bo‘lgani kabi bu futbolchi ustida ham tizimli ishlaydi.
Ular Virsni ikki yildan so‘ng sotib olishga harakat qilishlari mumkin.
