“Katta dubulg‘a” turnirlarining 22 karra chempioni, dunyoning sobiq birinchi raqamli tennischisi, 37 yoshli ispaniyalik Rafael Nadal Madriddagi “Masters” turkumidagi turnirning 1/8 finalda Chexiya vakili Irji Lehechka (5:7, 4:6) bilan o‘yindagi mag‘lubiyatini emosional tarzda izohladi.

“Men haqiqatan ham baxtliman. Bu men uchun o‘zgacha hafta bo‘ldi. Juda ijobiy, hissiyotlarga boy. Yana bu kortda o‘ynash imkoniyatiga ega bo‘lganimdan xursandman. Faoliyatim davomida menga yordam bergan barchaga rahmat aytishim mumkin. Lekin hali faoliyatim tugamadi.

Bu yerda o‘ynashim menga sovg‘adek. Men o‘zim yoqtirgan ish bilan shug‘ullanayotganimdan xursandman. Men bu martabaga ega bo‘lganimdan juda baxtiyorman. Men bundan ortiq narsani orzu ham qila olmasdim” — dedi Nadal o‘yindan keyingi intervyusida.

Eslatib o‘tamiz, Nadal uchun bu Madriddagi turnir so‘nggi o‘yin bo‘lishi mumkin, chunki u joriy mavsum oxirida faoliyatini yakunlamoqchi.

Nadalni mag‘lubiyatga uchratgan Lehechka turnirning navbatdagi turida rossiyalik Daniil Medvedev bilan bahs olib boradi.