Yevropa grandlari transfer yozi uchun faol rejalar tuzmoqda.
"Milan" himoyachisi Malik Tiav yuqori darajadagi o‘yin ko‘rsatmoqda, shuning uchun u boshqa top-klublar e’tiborini tortmoqda.
Calciomercato xabariga ko‘ra, "Bavariya" 22 yoshli futbolchi uchun kurashga qo‘shilgan.
Qolaversa, Tiav "Real"ga ham qiziq variant bo‘lmoqda - bu haqda avvalroq xabar berilgan edi. Malik Tiav nufuzli Transfermarkt portali mutaxassislari tomonidan 30 million yevroga baholanmoqda.
2023/2024 yilgi mavsumda himoyachi "Milan" safida 27 ta o‘yin o‘tkazib, bitta golli uzatmani amalga oshirgan.
