Dortmundning "Borussiya" klubi vinger Jeydon Sanchoni o‘z safida saqlab qolishga umid qilmoqda.
“Asalarilar” angliyalik futbolchini yanvar oyida “Manchester Yunayted”dan ijaraga olgandi – shartnoma mavsum oxirigacha amal qiladi.
24 yoshli futbolchi bosh murabbiy Erik ten Xag bilan mojaro tufayli "qizil iblislar" safidan chetlashtirildi, biroq Dortmundga qaytganidan keyin yana o‘zini ko‘rsata oldi.
Insayder Nikolo Skiraning so‘zlariga ko‘ra, "Borussiya" Sanchoni o‘zining asosiy futbolchisi deb biladi.
Klublar yaqin kunlarda vinger borasida kelishuvga erishish uchun muzokaralar olib borishi kutilmoqda.
"Borussiya" uchun asosiy muammo - Sanchoning yuqori maoshi. Ehtimol, tomonlar ushbu vaziyatda ijara muddatini uzaytirishni eng foydali yechim deb hisoblashadi.
