Дортмунднинг "Боруссия" клуби вингер Жейдон Санчони ўз сафида сақлаб қолишга умид қилмоқда.
“Асаларилар” англиялик футболчини январь ойида “Манчестер Юнайтед”дан ижарага олганди – шартнома мавсум охиригача амал қилади.
24 ёшли футболчи бош мураббий Эрик тен Хаг билан можаро туфайли "қизил иблислар" сафидан четлаштирилди, бироқ Дортмундга қайтганидан кейин яна ўзини кўрсата олди.
Инсайдер Николо Скиранинг сўзларига кўра, "Боруссия" Санчони ўзининг асосий футболчиси деб билади.
Клублар яқин кунларда вингер борасида келишувга эришиш учун музокаралар олиб бориши кутилмоқда.
"Боруссия" учун асосий муаммо - Санчонинг юқори маоши. Эҳтимол, томонлар ушбу вазиятда ижара муддатини узайтиришни энг фойдали ечим деб ҳисоблашади.
