"Manchester Yunayted" hujumchisi Rasmus Xyoylunn Angliya kubogi final uchrashuvi haqida fikr bildirdi.
Eslatib o‘tamiz, turnirning hal qiluvchi bahsida “qizil iblislar” “Manchester Siti” bilan to‘qnash keladi, o‘yin 25 may kuni “Uembli”da bo‘lib o‘tadi.
"Manchester Yunayted"da sovrin yutish imkoniyati bor, bu mening klub bilan chempionlik uchun birinchi imkoniyatim. Bu men uchun katta o‘yin, biz o‘zgacha bir ish qilmoqchimiz", - deya hujumchining so‘zlarini keltiradi BBC.
21 yoshli forvard joriy mavsumda klub safida barcha turnirlar doirasida 38 ta o‘yin o‘tkazib, 14 ta gol va 2 ta golli uzatmani amalga oshirdi.
