Madridning «Real» klubi yozgi transfer oynasida qanot himoyachisi Alvaro Karrerasni sotishga tayyor. Bu haqda Diario SPORT xabar bermoqda.

Manbaga ko‘ra, «Real» «Chelsi»dan 25 million yevro miqdorida taklif olgan. Biroq «qaymoqranglilar» o‘z futbolchisini bunday summaga qo‘yib yubormoqchi emas va uni 50 million yevroga baholamoqda. Manbaga ishoniladigan bo‘lsa, ingliz grandi ispaniyalik futbolchi bo‘yicha muzokaralarni davom ettirishga tayyor.

O‘tgan yozda «Real» 23 yoshli Karrerasni «Benfika»dan 50 million yevro evaziga sotib olgan edi. U jamoa tarkibida barcha turnirlarda 40 ta o‘yinda maydonga tushib, ikkita gol va uchta golli uzatma muallifiga aylandi.