"Bavariya" yangi bosh murabbiy topishda qiyinchiliklarga duch kelmoqda. Yulian Nagelsmanni qaytarish, xuddi Ralf Rangnikni taklif qilganidek ish bermadi. L'Equipe xabariga ko‘ra, Myunxen klubi Rudi Garsiyaning nomzodini muhokama qilgan. 60 yoshli mutaxassis "Napoli"dan ishdan bo‘shatilganidan so‘ng noyabr oyidan beri ishsiz, u yerda murabbiy atigi to‘rt yarim oy ishlagan. Garsiya avval ko‘plab klublarni, xususan, "Roma" va "Lion"ni boshqargan.
Eslatib o‘tamiz, bir necha soat oldin matbuotda "Bavariya" "Manchester Yunayted" bilan murabbiy almashishi mumkinligi haqida ma’lumot paydo bo‘lgandi.
