"Nyukasl" himoyachisi Fabian Sher mavsumning qolgan qismini o‘tkazib yuborishi mumkin. Bu haqda "qarg‘alar" bosh murabbiyi Eddi Xau aytib o‘tdi.

“Fabian Sher tizzasidagi muammo tufayli bir muncha vaqt maydonga tushmaydi. Uni bu mavsumda yana maydonda ko‘rishimizga ishonmayapman", - deya mutaxassisning so‘zlarini keltiradi jurnalist Fabrisio Romano.

Joriy mavsumda 32 yoshli markaziy himoyachi barcha turnirlarda 45 ta o‘yin o‘tkazib, 5 ta gol urdi va 1 ta golli uzatmani amalga oshirdi. Mavsum oxirigacha "Nyukasl" "Byornli", "Brayton", "Manchester Yunayted" va "Brentford"ga qarshi o‘yinlar o‘tkazadi.