Angelos Postekoglu o‘z jamoasini qayta qurishning keyingi bosqichini rejalashtirayotgani sababli, "Tottenxem" ba’zi o‘yinchilarni sotishdan pul ishlab olmoqchi, deya xabar beradi The Telegraph.
Klub Risharlison, Pyer-Emil Xyoybyerg va Emerson Royal bo‘yicha takliflarni tinglashga tayyor. Iv Bissuma sotuvga qo‘yilganlar orasida bo‘lmaydi, ammo jozibali taklif bo‘lsa, "shporlar" o‘ylab ko‘radi.
Yuqorida aytib o‘tganimizdek, rahbariyat Chempionlar ligasiga yo‘llanma olgan va olmagan taqdirda ikkita transfer rejasini ishlab chiqmoqda.
Hozirda jamoa qiziqayotgan futbolchilar orasida Konor Gallaxer ("Chelsi"), Amadu Onana ("Everton"), Lloyd Kelli ("Bornmut"), Tosin Adarabioyo ("Fulxem"), Rafinya ("Barselona") va Sem Ayling ("Yuventus") bor. Shuningdek, jamoa “Leypsig”dan Timo Vernerni sotib olish yoki olmaslik borasida ham qaror qabul qilishi kerak.
