Ангелос Постекоглу ўз жамоасини қайта қуришнинг кейинги босқичини режалаштираётгани сабабли, "Тоттенхэм" баъзи ўйинчиларни сотишдан пул ишлаб олмоқчи, дея хабар беради The Telegraph.

Клуб Ришарлисон, Пьер-Эмиль Хёйбьерг ва Эмерсон Рояль бўйича таклифларни тинглашга тайёр. Ив Биссума сотувга қўйилганлар орасида бўлмайди, аммо жозибали таклиф бўлса, "шпорлар" ўйлаб кўради.

Юқорида айтиб ўтганимиздек, раҳбарият Чемпионлар лигасига йўлланма олган ва олмаган тақдирда иккита трансфер режасини ишлаб чиқмоқда.

Ҳозирда жамоа қизиқаётган футболчилар орасида Конор Галлахер ("Челси"), Амаду Онана ("Эвертон"), Ллойд Келли ("Борнмут"), Тосин Адарабиойо ("Фулхэм"), Рафинья ("Барселона") ва Сэм Айлинг ("Ювентус") бор. Шунингдек, жамоа “Лейпциг”дан Тимо Вернерни сотиб олиш ёки олмаслик борасида ҳам қарор қабул қилиши керак.