"Bavariya" himoyachisi Rafael Gerreyru Germaniya Bundesligasining 32-turi doirasida "Shtutgart"ga qarshi o‘yinda (1:3) olgan jiddiy jarohati sabab jamoaning bo‘lajak o‘yinlarini o‘tkazib yuboradi. Bu haqda Myunxen klubi rasmiy sayti xabar bermoqda.
Qayd etilishicha, portugaliyalik himoyachi tibbiy ko‘rikdan o‘tganidan so‘ng tizza kapsulasi va xochsimon bog‘lamlari shikastlangani aniqlangan, bu esa futbolchiga bo‘lajak o‘yinlarda, xususan, "Real Madrid" bilan Chempionlar ligasi yarim finalida ishtirok etmasligini bildiradi.
"Real" va "Bavariya" o‘rtasidagi Chempionlar ligasi yarim final javob uchrashuvi 8 may Madridda bo‘lib o‘tadi.
