"Бавария" ҳимоячиси Рафаэль Геррейру Германия Бундеслигасининг 32-тури доирасида "Штутгарт"га қарши ўйинда (1:3) олган жиддий жароҳати сабаб жамоанинг бўлажак ўйинларини ўтказиб юборади. Бу ҳақда Мюнхен клуби расмий сайти хабар бермоқда.
Қайд этилишича, португалиялик ҳимоячи тиббий кўрикдан ўтганидан сўнг тизза капсуласи ва хочсимон боғламлари шикастлангани аниқланган, бу эса футболчига бўлажак ўйинларда, хусусан, "Реал Мадрид" билан Чемпионлар лигаси ярим финалида иштирок этмаслигини билдиради.
"Реал" ва "Бавария" ўртасидаги Чемпионлар лигаси ярим финал жавоб учрашуви 8 май Мадридда бўлиб ўтади.
