"Barselona" omadsiz mavsumdan keyin tarkibni qayta qurishni rejalashtirmoqda.
Diario Sport xabariga ko‘ra, Xavi jamoaning rivojlanish yo‘nalishini o‘zgartirmoqchi.
Kataloniya klubi Ronald Arauxo va Jyul Kunde bo‘yicha takliflarni tinglashga tayyor. "Manchester Siti"dan ijaraga olingan Joau Kanseloni sotib olmasligi mumkin.
Xavi Inigo Martinesni keyingi mavsumda himoya yetakchisi sifatida ko‘rmoqda. Rahbariyat ham unga ishonadi. Joriy mavsumni "Jirona"da o‘tkazayotgan Erik Garsiya jamoaga qaytadi. "Betis"da yaxshi o‘yin ko‘rsatgan Shodi Riad ham qaytishi mumkin.
"Barselona" yarim himoyachini sotib olmoqchi. Ma’qul variantlar “Bavariya”dan Joshua Kimmix yoki “Real Sosyedad”dan Martin Subimendi. Qolaversa, kataloniyaliklar Frenki de Yong bilan xayrlashishga tayyor, chunki u jamoada besh yildan beri o‘ynab, undan kutilgan saviyani ko‘rsatmagan.
