"Барселона" омадсиз мавсумдан кейин таркибни қайта қуришни режалаштирмоқда.
Diario Sport хабарига кўра, Хави жамоанинг ривожланиш йўналишини ўзгартирмоқчи.
Каталония клуби Рональд Араухо ва Жюль Кунде бўйича таклифларни тинглашга тайёр. "Манчестер Сити"дан ижарага олинган Жоау Канцелони сотиб олмаслиги мумкин.
Хави Иньиго Мартинесни кейинги мавсумда ҳимоя етакчиси сифатида кўрмоқда. Раҳбарият ҳам унга ишонади. Жорий мавсумни "Жирона"да ўтказаётган Эрик Гарсия жамоага қайтади. "Бетис"да яхши ўйин кўрсатган Шоди Риад ҳам қайтиши мумкин.
"Барселона" ярим ҳимоячини сотиб олмоқчи. Маъқул вариантлар “Бавария”дан Жошуа Киммих ёки “Реал Сосьедад”дан Мартин Субименди. Қолаверса, каталонияликлар Френки де Ёнг билан хайрлашишга тайёр, чунки у жамоада беш йилдан бери ўйнаб, ундан кутилган савияни кўрсатмаган.
