Angliya chempionatining 36-turi doirasida «Liverpul» o‘z maydonida «Tottenxem»ni qabul qilib, ishonchli hisobda g‘alaba qozondi.  

Bahsning 16-daqiqasida Muhammad Saloh hisobni ochgan bo‘lsa, taym so‘ngida Robertson mersisaydliklarning ikkinchi goliga mualliflik qildi.

Ikkinchi bo‘limning dastlabki 15 daqiqasi ham Klopp jamoasi uchun muvaffaqiyatli keldi. "Qizillar" yana 2 ta gol urib, hisobni 4:0 ko‘rinishga keltirib qo‘yishdi.

"Shporlar" esa shundan so‘ng biroz uyg‘onishdi hamda o‘yin oxiriga qadar raqib darvozasiga 2 marta yo‘l topishdi. Yakuniy hisob — 4:2.

"Liverpul" bugungi g‘alabadan so‘ng o‘z ochkolarini 78 taga yetkazib, peshqadamlar "Arsenal" va "Manchester Siti"n quvishda davom etadi. Ammo jamoada chempionlik uchun imkoniyat juda kam qoldi. "Tottenxem"da kuchli to‘rtlikka kirish imkoniyati keskin pasayib ketdi.

APL, 36-tur
Liverpul – Tottenxem 4:2 (2:0, 2:2)
Gollar: 1:0 – 16 Saloh, 2:0 – 45 Robertson, 3:0 – 50 Gakpo, 4:0 – 59 Elliott, 4:1 – 72 Risharlison, 4:2 – 77 Son Xyong Min.
Liverpul – Alisson, Aleksander-Arnold, van Deyk, Kuansa, Robertson (Gomes, 64), Endo (Baychetich, 65), Mak Allister (Gravenberx, 75), Elliott (Soboslai, 83), Saloh, Dias (Nunyes, 75), Gakpo.
Tottenxem – Vikario, Porro, Romero, van de Ven, Emerson (Skipp, 61), Bentankur (Risharlison, 61), Bissuma, Sarr (Lo Chelso, 75), Kulusevski (Meddison, 61), Son Xyong Min, Jonson.
Ogohlantirishlar: Sarr (44), van de Ven (47), Emerson (57), Bissuma (63), Aleksander-Arnold (90+2).