Kataloniyaning "Barselona" klubi yozgi transfer oynasida braziliyalik hujumchisi Rafinya bilan xayrlashishga tayyor. Bu haqda Mundo Deportivo xabar berdi.
Manbaga ko‘ra, "ko‘k-anorranglilar" rahbariyati 27 yoshli braziliyalik uchun kamida 55 million yevro talab qilmoqda. Yagona muammo futbolchining o‘zi hozircha jamoadan ketishga tayyor emas.
Eslatib o‘tamiz, Rafinya 2022 yilning yozida 58 million yevroga "Lids"dan sotib olingandi. Uning amaldagi shartnomasi 2027 yilgacha mo‘ljallangan. Joriy mavsumda u jami 35 ta o‘yinda 9 ta gol urib, 12 ta samarali uzatma berdi.
