Каталониянинг "Барселона" клуби ёзги трансфер ойнасида бразилиялик ҳужумчиси Рафинья билан хайрлашишга тайёр. Бу ҳақда Mundo Deportivo хабар берди.
Манбага кўра, "кўк-анорранглилар" раҳбарияти 27 ёшли бразилиялик учун камида 55 миллион евро талаб қилмоқда. Ягона муаммо футболчининг ўзи ҳозирча жамоадан кетишга тайёр эмас.
Эслатиб ўтамиз, Рафинья 2022 йилнинг ёзида 58 миллион еврога "Лидс"дан сотиб олинганди. Унинг амалдаги шартномаси 2027 йилгача мўлжалланган. Жорий мавсумда у жами 35 та ўйинда 9 та гол уриб, 12 та самарали узатма берди.
