"Milan" yulduzi Rafael Leau yakshanba kuni "Jenoa"ga qarshi o‘yinda (3:3) "Milan" muxlislaridan hushtakbozliklarni qabul qilib olgach, ijtimoiy tarmoqlarda sirli xabar qoldirdi va "Barselona" himoyachisi Joau Kanselu o‘z vatandoshini himoya qilgandek tuyuldi.

Yakshanba kuni “San-Siro”da “Jenoa”ga qarshi o‘yinda (3:3) “Milan”ning bir qancha muxlislari Leauga qarata hushtakbozlik qilishdi.

Bu voqea 67-daqiqada sodir bo‘ldi. Leau shunchalik hafsalasi pir bo‘ldiki, u hatto zaxira o‘rindig‘iga ham o‘tirmadi va kiyim almashtirish xonasiga ketishga qaror qildi.

O‘yindan bir necha soat o‘tgach, Leau ijtimoiy tarmoqdagi posti bilan milanlik muxlislarga javob qaytargandek bo‘ldi.

Portugaliyalik futbolchi to‘pni yuzida ushlab turgan holda mashg‘ulotlarda qatnashayotgan suratini tarmoqqa joyladi.

"Mavjudligingiz uchun rahmat; buning ma’nosini bilmaydigan odamlar bor", — deb yozdi Leau portugal tilida. 

Uning hamyurti Kanselu ham bu postga izoh qoldirganlar orasida bor: "Ular Rafani tanimaydilar", deb yozdi "Inter" va "Yuventus"ning sobiq himoyachisi.