"Милан" юлдузи Рафаэль Леау якшанба куни "Женоа"га қарши ўйинда (3:3) "Милан" мухлисларидан ҳуштакбозликларни қабул қилиб олгач, ижтимоий тармоқларда сирли хабар қолдирди ва "Барселона" ҳимоячиси Жоау Канселу ўз ватандошини ҳимоя қилгандек туюлди.
Якшанба куни “Сан-Сиро”да “Женоа”га қарши ўйинда (3:3) “Милан”нинг бир қанча мухлислари Леауга қарата ҳуштакбозлик қилишди.
Бу воқеа 67-дақиқада содир бўлди. Леау шунчалик ҳафсаласи пир бўлдики, у ҳатто захира ўриндиғига ҳам ўтирмади ва кийим алмаштириш хонасига кетишга қарор қилди.
Ўйиндан бир неча соат ўтгач, Леау ижтимоий тармоқдаги пости билан миланлик мухлисларга жавоб қайтаргандек бўлди.
Португалиялик футболчи тўпни юзида ушлаб турган ҳолда машғулотларда қатнашаётган суратини тармоққа жойлади.
"Мавжудлигингиз учун раҳмат; бунинг маъносини билмайдиган одамлар бор", — деб ёзди Леау португал тилида.
Унинг ҳамюрти Канселу ҳам бу постга изоҳ қолдирганлар орасида бор: "Улар Рафани танимайдилар", деб ёзди "Интер" ва "Ювентус"нинг собиқ ҳимоячиси.
