Taniqli insayder Fabrisio Romano "Chelsi" Romelu Lukakuni shu yozda sotishga tayyorligini tasdiqladi. Belgiyalik hujumchi joriy mavsumni "Roma"da o‘tkazmoqda, biroq yozda "ko‘klar" safiga qaytadi.

Fabrisio Romanoning so‘zlariga ko‘ra, "Chelsi" haqiqatdan ham kutilganidek, Lukakuni oldindan kelishilgan 38 million funt sterlingga (44 million yevro) sotishga tayyor. Bu londonliklar rahbariyati 30 yoshli futbolchining agentlari bilan kelishilgan narx.

Romelu Lukaku ushbu mavsumda "Roma" safida barcha musobaqalarda 44 ta o‘yinda 20 ta gol urdi, shuningdek, hujumchi jamoadoshlariga to‘rt marta assistentlik qildi.