Таниқли инсайдер Фабрицио Романо "Челси" Ромелу Лукакуни шу ёзда сотишга тайёрлигини тасдиқлади. Бельгиялик ҳужумчи жорий мавсумни "Рома"да ўтказмоқда, бироқ ёзда "кўклар" сафига қайтади.

Фабрицио Романонинг сўзларига кўра, "Челси" ҳақиқатдан ҳам кутилганидек, Лукакуни олдиндан келишилган 38 миллион фунт стерлингга (44 миллион евро) сотишга тайёр. Бу лондонликлар раҳбарияти 30 ёшли футболчининг агентлари билан келишилган нарх.

Ромелу Лукаку ушбу мавсумда "Рома" сафида барча мусобақаларда 44 та ўйинда 20 та гол урди, шунингдек, ҳужумчи жамоадошларига тўрт марта ассистентлик қилди.