"PSJ" prezidenti Nosir Al-Xelayfi bugungi "Borussiya Dortmund" bilan bo‘lib o‘tadigan Chempionlar ligasi yarim final javob uchrashuvi haqida gapirdi.
"Biz jamoaning kelajagi uchun nimadir qura oldik. Natijalardan qat’i nazar, men bundan juda faxrlanaman.
Shuningdek, ushbu bosqichga chiqish uchun jamoa qilgan hamma narsani tan olishimiz kerak. Bu esa muxlislarni xursand qiladi.
Hamma yaxshi ish qildi. Bugun biz nafaqat "PSJ" va Parijni, balki butun Fransiyani, shuningdek, butun dunyodagi barcha muxlislarimiz sharafini himoya qilamiz", — deya Al-Xelayfining so‘zlarini keltirmoqda L’Équipe.
