"ПСЖ" президенти Носир Ал-Хелайфи бугунги "Боруссия Дортмунд" билан бўлиб ўтадиган Чемпионлар лигаси ярим финал жавоб учрашуви ҳақида гапирди.
"Биз жамоанинг келажаги учун нимадир қура олдик. Натижалардан қатъи назар, мен бундан жуда фахрланаман.
Шунингдек, ушбу босқичга чиқиш учун жамоа қилган ҳамма нарсани тан олишимиз керак. Бу эса мухлисларни хурсанд қилади.
Ҳамма яхши иш қилди. Бугун биз нафақат "ПСЖ" ва Парижни, балки бутун Францияни, шунингдек, бутун дунёдаги барча мухлисларимиз шарафини ҳимоя қиламиз", — дея Ал-Хелайфининг сўзларини келтирмоқда L’Équipe.
