Chempionlar ligasi yarimfinalining javob uchrashuvida “PSJ” Dortmundning “Borussiya” klubini qabul qildi va 0:1 hisobida minimal mag‘lubiyatga uchradi. Uchrashuvdan so‘ng yulduz hujumchi Kilian Mbappe o‘z jamoasidagi eng past bahoni oldi.

L'Equipe xabariga ko‘ra, 25 yoshli yulduzning o‘yini o‘n balldan ikki ball bilan baholangan. Kilianning hujumdagi sherigi, qanot vingeri Usmon Dembele ham xuddi shunday baho oldi. Parijliklar jamoasining eng yaxshi futbolchisi yarim himoyachi Vitinya bo‘ldi.

Umumiy hisobda “PSJ” “Borussiya”ga 0:2 hisobida imkoniyatni boy berdi. Finalda nemis klubi “Bavariya” yoki “Real”ga qarshi bahs olib boradi.