Чемпионлар лигаси яримфиналининг жавоб учрашувида “ПСЖ” Дортмунднинг “Боруссия” клубини қабул қилди ва 0:1 ҳисобида минимал мағлубиятга учради. Учрашувдан сўнг юлдуз ҳужумчи Килиан Мбаппе ўз жамоасидаги энг паст баҳони олди.
L'Equipe хабарига кўра, 25 ёшли юлдузнинг ўйини ўн баллдан икки балл билан баҳоланган. Килианнинг ҳужумдаги шериги, қанот вингери Усмон Дембеле ҳам худди шундай баҳо олди. Парижликлар жамоасининг энг яхши футболчиси ярим ҳимоячи Витинья бўлди.
Умумий ҳисобда “ПСЖ” “Боруссия”га 0:2 ҳисобида имкониятни бой берди. Финалда немис клуби “Бавария” ёки “Реал”га қарши баҳс олиб боради.
