“Arsenal”ning sobiq yarim himoyachisi Nikolas Pepe joriy mavsum yakunida Turkiyaning “Trabzonspor” klubini tark etadi. Bu haqda insayder Fabrisio Romano ijtimoiy tarmoqlar orqali xabar berdi.

Manba bergan xabarga ko‘ra, ivuarlik vinger kelasi yozda turk jamoasini erkin agent sifatida tark etadi. Nikolasda faoliyatini Saudiya Arabistonida davom ettirish imkoniyatlari bor, biroq uning o‘zi Yevropada qolmoqchi.

Joriy mavsumda Pepe “Trabzonspor”ning 19 ta uchrashuvida qatnashib, 5 ta gol va 2 ta golli uzatmaga mualliflik qildi. Jamoa Superliga turnir jadvalida uchinchi o‘rinda bormoqda.