“Арсенал”нинг собиқ ярим ҳимоячиси Николас Пепе жорий мавсум якунида Туркиянинг “Трабзонспор” клубини тарк этади. Бу ҳақда инсайдер Фабрицио Романо ижтимоий тармоқлар орқали хабар берди.

Манба берган хабарга кўра, ивуарлик вингер келаси ёзда турк жамоасини эркин агент сифатида тарк этади. Николасда фаолиятини Саудия Арабистонида давом эттириш имкониятлари бор, бироқ унинг ўзи Европада қолмоқчи.

Жорий мавсумда Пепе “Трабзонспор”нинг 19 та учрашувида қатнашиб, 5 та гол ва 2 та голли узатмага муаллифлик қилди. Жамоа Суперлига турнир жадвалида учинчи ўринда бормоқда.