Chempionlar ligasi yarim finalining javob uchrashuvida Madridning “Real” klubi o‘z maydonida Myunxenning “Bavariya” klubini qabul qilib, 2:1 hisobida g‘alaba qozondi. Uchrashuv yakunlangach, "Bavariya" hujumchisi Tomas Myuller hakamlar ishini tanqid qildi.
"Hakamlar ishida kulgili holat. Unga nima bo‘lganini tushunolmayapman", - dedi Myuller Madrid Xtra bilan suhbatda.
Uchrashuv yakunida myunxenliklar ikkinchi golni urishdi, biroq bosh hakam Shimon Marchinyak epizod tugashidan oldin ofsayd deb belgiladi. Nemis grandining goli bekor qilindi. Umumiy hisobda “Bavariya” “Real”ga 3:4 hisobida imkoniyatni boy berdi.