Чемпионлар лигаси ярим финалининг жавоб учрашувида Мадриднинг “Реал” клуби ўз майдонида Мюнхеннинг “Бавария” клубини қабул қилиб, 2:1 ҳисобида ғалаба қозонди. Учрашув якунлангач, "Бавария" ҳужумчиси Томас Мюллер ҳакамлар ишини танқид қилди.
"Ҳакамлар ишида кулгили ҳолат. Унга нима бўлганини тушунолмаяпман", - деди Мюллер Madrid Xtra билан суҳбатда.
Учрашув якунида мюнхенликлар иккинчи голни уришди, бироқ бош ҳакам Шимон Марчиняк эпизод тугашидан олдин офсайд деб белгилади. Немис грандининг голи бекор қилинди. Умумий ҳисобда “Бавария” “Реал”га 3:4 ҳисобида имкониятни бой берди.
