Insayder Fabrisio Romano markaziy himoyachi Gleyson Bremerning "Yuventus"ni tark etishi mumkinligi haqida ma’lumot berdi.

Turli manbalar tomonidan bir necha bor xabar qilinganidek, braziliyalik futbolchi yozda "Manchester Yunayted"ning transfer maqsadi hisoblanadi. Romanoning so‘zlariga ko‘ra, Bremer vakillari va "Yuventus" o‘rtasida og‘zaki kelishuv mavjud bo‘lib, unga ko‘ra, futbolchiga 55-60 million yevro atrofida taklif qilinsa, ketishga ruxsat beriladi.

Bremer ushbu mavsumda Massimiliano Allegri jamoasida 37 ta o‘yinda maydonga tushib, 3 ta gol urishga muvaffaq bo‘ldi. Transfermarkt portali 27 yoshli futbolchining narxini 60 million yevroga baholamoqda.