Инсайдер Фабрицио Романо марказий ҳимоячи Глейсон Бремернинг "Ювентус"ни тарк этиши мумкинлиги ҳақида маълумот берди.
Турли манбалар томонидан бир неча бор хабар қилинганидек, бразилиялик футболчи ёзда "Манчестер Юнайтед"нинг трансфер мақсади ҳисобланади. Романонинг сўзларига кўра, Бремер вакиллари ва "Ювентус" ўртасида оғзаки келишув мавжуд бўлиб, унга кўра, футболчига 55-60 миллион евро атрофида таклиф қилинса, кетишга рухсат берилади.
Бремер ушбу мавсумда Массимилиано Аллегри жамоасида 37 та ўйинда майдонга тушиб, 3 та гол уришга муваффақ бўлди. Transfermarkt портали 27 ёшли футболчининг нархини 60 миллион еврога баҳоламоқда.
