"Bayer" bosh murabbiyi Xabi Alonso "Roma"ga qarshi yarim finaldagi muvaffaqiyatidan so‘ng jurnalistlar bilan suhbatlashdi.
Leverkuzenliklar 97-daqiqada (2:2) mag‘lubiyatdan qutulib qoldi va umumiy hisobda 4:2 hisobida g‘alaba qozonib, finalga chiqdi. Kubok uchun hal qiluvchi jangda “dorichilar” “Atalanta” bilan to‘qnash kelishadi.
"Birinchi o‘yindan so‘ng biz bu hali yo‘lning oxiri emasligini tushungandik, chunki Rimda biz uchun oson bo‘lmagan. Jamoamning javobidan xursandman. O‘tgan yili biz finalga yaqin edik, lekin o‘ta olmadik, endi bu yerda o‘ynaymiz.
Biz yana Italiyadan kelgan raqib bilan o‘ynashga majbur bo‘lamiz. "Atalanta" Gasperini qo‘l ostida ko‘p yillardan beri eng yuqori saviyada o‘ynamoqda.
Bizni ajoyib final kutmoqda, bunday jamoaga qarshi o‘ynash qiziqarli bo‘ladi", - dedi Xabi Alonso matbuot anjumanida.
