"Байер" бош мураббийи Хаби Алонсо "Рома"га қарши ярим финалдаги муваффақиятидан сўнг журналистлар билан суҳбатлашди.
Леверкузенликлар 97-дақиқада (2:2) мағлубиятдан қутулиб қолди ва умумий ҳисобда 4:2 ҳисобида ғалаба қозониб, финалга чиқди. Кубок учун ҳал қилувчи жангда “доричилар” “Аталанта” билан тўқнаш келишади.
"Биринчи ўйиндан сўнг биз бу ҳали йўлнинг охири эмаслигини тушунгандик, чунки Римда биз учун осон бўлмаган. Жамоамнинг жавобидан хурсандман. Ўтган йили биз финалга яқин эдик, лекин ўта олмадик, энди бу ерда ўйнаймиз.
Биз яна Италиядан келган рақиб билан ўйнашга мажбур бўламиз. "Аталанта" Гасперини қўл остида кўп йиллардан бери энг юқори савияда ўйнамоқда.
Бизни ажойиб финал кутмоқда, бундай жамоага қарши ўйнаш қизиқарли бўлади", - деди Хаби Алонсо матбуот анжуманида.
