Xabi Alonso “Bayer”ni Yevropa ligasi finaliga olib chiqdi. «Farmasevtlar» «Roma» bilan o‘yin (2:2) so‘ngida mag‘lubiyatdan qutulib, barcha turnirlardagi mag‘lubiyatsiz seriyasini 49 uchrashuvga yetkazdi.
Yarim final bahsida Germaniya jamoasi umumiy 4:2 hisobida ustun keldi.
Opta xabariga ko‘ra, Xabi Alonso 21-asr boshidan buyon o‘z jamoasini Yevropa kuboklari (Chempionlar ligasi, Yevropa ligasi yoki konferensiyalar ligasi) finaliga olib chiqqan ispaniyalik 12-murabbiy bo‘ldi.
Reytingni sakkizta finalda qatnashgan Unai Emeri boshqarmoqda, ikkinchi o‘rindan Xosep Gvardiola (etti), uchinchi o‘rindan Rafael Benites (beshta) joy olgan. G‘alabalar soni bo‘yicha Gvardiola yetakchilik qilmoqda (to‘rtta).
