Erling Xoland "Manchester Siti"ning o‘yinda ishtirok etmayotgani haqidagi tanqidlardan norozi.
Hujumchi o‘yin paytida kamdan-kam hollarda to‘pga tegishi uchun tanqid qilinadi.
"Ular doim to‘pga necha marta tegishim kerakligi haqida gapirishadi. Men gol ursam, bu haqda hech kim gapirmaydi. Gollar bo‘lmasa, hamma mening teginishlarimni muhokama qila boshlaydi. Bu mening hayotimning bir qismi. Odamlar gapirishadi va men buni boshqarolmayman.
Men faqat maydonda nima qilishim kerakligiga e’tibor qaratishim kerak. Rodri kabi bo‘lish va o‘yinni nazorat qilish maqsadim yo‘q. Men Rodri emasman. Men jarima maydonchasi ichida bo‘lishim va hujumlarni yakunlashim kerak. Bu mening maqsadim va odamlar nima deyishi menga ahamiyatsiz.
Men bor e’tiborimni jamoaga g‘alaba qozonishga yordam berishga qaratganman. Siz umuman to‘pga tegmasdan futbol o‘ynashingiz mumkin, garchi bu ba’zilarga kulgili tuyulishi mumkin. Siz harakatlar, psixologiya, xabardorlik orqali o‘ynashingiz mumkin. Bu o‘yinning katta qismi. Futbol shunchaki to‘pga teginishdan iborat emas. Albatta, siz unga tegishingiz kerak, lekin men bu jamoadagi rolim nima ekanligini bilaman" - dedi Xoland Men in Blazers bilan suhbatda.
Joriy mavsumda Xoland “Manchester Siti” safida 41 ta o‘yinda maydonga tushib, 36 ta gol urdi va 6 ta golli uzatmani amalga oshirdi.
