Angliya Premyer Ligasining 37-turida “Manchester Siti” 11 may, shanba kuni “Fulhem”ga qarshi bahs olib bordi.

Uchrashuvning 13-daqiqasida Yoshko Gvardiol hisobni ochdi. Bo‘lim “shaharliklar”ning kichik ustunligi bilan yakunlandi.

Ikkinchi bo‘limda ham mehmonlar ustunlik namoyish etdi. 59-daqiqada Fil Foden hisobni ishonchli ko‘rinishga olib keldi. 71-daqiqada esa Gvardiol dublni rasmiylashtirdi.

90+5-daqiqada “Fulhem” futbolchisi Diop qizil kartochka oldi. 90+6-daqiqada esa Xulian Alvares penaltini aniq amalga oshirdi va hisobni 4:0 ko‘rinishiga olib keldi.

Pep Gvardiola shogirdlari ushbu g‘alabadan so‘ng ochkolari sonini 85 taga yetkazdi va musobaqa jadvali yetakchisiga aylanib oldi. “Arsenal” esa 83 ochko bilan 2-o‘rinda bormoqda. Londonliklar ushbu turdagi o‘yinini ertaga, 12 may kuni “Manchester Yunayted”ga qarshi o‘tkazadi.

APL, 37-tur bahsi
11 may, shanba
“Fulhem” — “Manchester Siti” 0:4
Gollar: 0:1 – 13 Gvardiol, 0:2 – 59 Foden, 0:3 – 71 Gvardiol, 0:4 — 90+6 Alvares.
“Fulhem”: Leno, Kastan, Diop, Bassi, Robinson, Pereyra (Uilson, 74), Palinya, Villian (Traore, 46), Dekordova-Rid (Kerni, 46), Ivobi, Rodrigo Muniz (Broya, 67).
“Manchester Siti”: Ederson, Akanji, Ake (Uoker, 22), Ruben Diash, Gvardiol, Kovachich (Lyuis, 82), de Bryuyne (Doku, 75), Bernardu Silva, Rodri, Foden (Bobb, 82), Holand (Alvares, 82).
Ogohlantirish: Diop (78).