"Manchester Yunayted"ning sobiq futbolchisi Luish Nani yozda erkin agentga aylanadi. "Adana Demirspor" o‘zining ijtimoiy tarmoqlarida xabar berishicha, tomonlarning o‘zaro kelishuviga ko‘ra, klub va 37 yoshli portugaliyalik vinger o‘rtasidagi hamkorlikni tugatishga qaror qilingan.
Nani 2007 yildan 2014 yilgacha “Manchester Yunayted” safida to‘p tepgan va ingliz klubi safida 230 ta o‘yinda maydonga tushib, 41 ta gol va 71 ta golli uzatmaga mualliflik qilgan.
Joriy mavsumda portugaliyalik turk klubi safida 34 ta o‘yin o‘tkazib, 4 ta gol urdi va 3 ta golli uzatmani amalga oshirdi.
