"Манчестер Юнайтед"нинг собиқ футболчиси Луиш Нани ёзда эркин агентга айланади. "Адана Демирспор" ўзининг ижтимоий тармоқларида хабар беришича, томонларнинг ўзаро келишувига кўра, клуб ва 37 ёшли португалиялик вингер ўртасидаги ҳамкорликни тугатишга қарор қилинган.
Нани 2007 йилдан 2014 йилгача “Манчестер Юнайтед” сафида тўп тепган ва инглиз клуби сафида 230 та ўйинда майдонга тушиб, 41 та гол ва 71 та голли узатмага муаллифлик қилган.
Жорий мавсумда португалиялик турк клуби сафида 34 та ўйин ўтказиб, 4 та гол урди ва 3 та голли узатмани амалга оширди.